یاسەمەن، یاسمین، بنچکێکی گوڵ زەردی زۆر جوانی هەمیشە سەوزە لە تیرەی "زه‌یتوونه‌کان" Oleacéesه‌ کە لە دەوروبەری ناوچەی مەدیتەرانەدا دەژی و لە بەرزاییەکانی ٢٠٠٠ میتر لەسەرەوەی ئاوی دەریاوە دەڕوێ. گوڵەکانی شیپووری و بۆنخۆشن. لە رابردوودا هەمیشە ئەم گوڵە وەک دەرمان لە کوردەواریدا بەکار هاتووە، بۆ دژی سەرماخواردووی و زوکام و کۆکە رەشە، بۆ لابردنی رەنگی سووری نێو چاوان و دەرمانی سل و هەروەها لە دەرمانسازیدا بەکار دێ.