کەلپورەی، گیایەکی خۆڕستی ناوچەکانی مەدیتەرانەیە و لە بنەماڵەی Labiatae کە لاسکێکی کورکنی هەیە و باڵای دەگاتە ٨٠ سانیمیتر. گەڵاکانی هێلکەیی، تووکن و نووک تیژن و لە بەرامبەری یەکەوە بە لاسکەکەوەن. لاسکەکانی سەرەوەی هەموو ساڵێک وش دەبن، بەڵام لاسکەکەی خوارەوەی دەمێنێتەوە. گوڵەکانی شینێکی کەم رەنگ، یان ئەرخەوانین کە بە سێ یان چواردانەیی پێکەوە لە پۆپکەی لاسکەکەیەوە دەردێن.