BackPrimrose peerless
نەرگس

Latin: - Narcissus jonquilla var. henriquesii
English: - Primrose peerless
نەرگس 

نێرگس، نەرگسی زەرد. نەرگسی سپی، نەرگسی چەرموو، گیالەیکی سەلک دارە لە بنەماڵەی Amaryllidaceae.
باڵای نەرگس لە شوێنێک تاکوو شوێنیکیتر جیاوازی هەیە بەڵام لە ٢٠ تاکوو ٣٥ سانتیمیتر بەرز دەبێ. ئەم گیایە لە زۆربەی شوێنەکانی کوردستاندا دەڕوێ، بەتایبەتی لە کوێستانەکان. دیارە دەست چن و پەروەردەکراویشی هەیە. لە کوردستاندا وەک دەرمانی ساڕێژ کردنی برین بەتایبەتی برینی قسپ و بزمار و بڕینی دەست و قاچ وەک مەرهەم لەسەر برینەکە دادەنرێ. دەڵێن ئەگەر ریشووی ئەم گیایە لە شیردا بخوسرێ بۆ بەهێز کردنی هێزی جنسی بەکار دێ.
هێند مونتەزيری تۆ بوو هەتا چاوی سپي بــــــــــــــــوو
نه رگس، كه لەسەر يەک قەدەم و ديده چەقيبـــــــوو
"نالی"
رەياحين پەرچەم و، لاله كولاه و، ياسەمەن تـــــــــــــــــۆڕڕه
به نەفشه خاڵ و، نەرگس چاو و، گوڵ زار و سەمەن ساقه
"نالی"
***
نەرگس وە مەس مەس مدیۆ، كێن ئەو كەس
گۆشەی چاک دڵ وەر نەدۆ جــــــــــــــــــەدەس
"مەولەوی"
***
ئه‌ی وه‌ته‌ن به‌رلین به‌ نۆكه‌ر سۆسه‌ن و نه‌سرینی تۆ
له‌نده‌ن و پاریس فیدات بن بۆ هه‌وای شیرینی تــــــۆ

كه‌ی قه‌ڵه‌م ته‌حریر ئه‌كا شه‌رحی گوڵی ڕه‌نگینی تۆ؟
بۆنی عه‌تری خسته‌ دنیــا نه‌رگســی نورینی تــــــۆ

"قانع"
بێجگە لە هۆنەرانی کورد، لە نێو هۆنەرانی فارس زمانیشدا نەرگس جێگای تایبەتی خۆی هەیە، بۆ وێنە لە نێو هۆنراوەکانی حافز شیرازیدا وشەی نەرگس ٤٣ جار هاتووە.

© Kurdflora 2000 - 2017 in cooperation with Auriolus, contact
-