BackDewberry, Blue bramble, Red Raspberry
تووڕک

Latin: - Raspberries Rubus Idaeus - Rubus caesius L - Rubus idaeus
English: - Dewberry, Blue bramble, Red Raspberry
تووڕک 

دوودڕک، توی‌ڕک، تووڕک، توورک، ترشیک، توتیلک (لە جۆلەمێرگ توتیلکی پێ دەڵێن) دوودلقیی، دیریک (Dirî) دووتووڕک بنچکێکە سەر بە تیرەی "گوڵسوورەکان" (Rosaceae). تووتڕک بەری بچکێکی خۆرستە کە لە شاتوو یان تووفەرەنگی دەچی و بە رەنگی زەرد یان سووری مەیلەو رەش دەست دەکەوێ. تۆزێک تامی ترش و شیرینە و بە کاڵی و بە کوڵاوی و لە نێو شەربتیشدا دەکرێ بە کومپوت. بچکەکەشی لە شوێنە تەڕ و گەرەمەکاندا لە نێو دارستان و جارجارەش لە بیاواندا دەڕوێ. لاسکەکەشی نەرم و رەنگی سوورە و دڕکاوییە. گەڵاکانی جۆراوجۆر و هێلکەیین و لیوارەکانیشیان ددانەدارە. گوڵەکانی رەنگیان سپی، پەمەیی و بە کۆمەڵن و دووهەمین مانگی هاوین تاکوو دوو مانگ دواتر بەرەکەی پێ دەگا.
لەبەر ئەو مەوادە کانیانەی کە لە تووڕکدا هەیە باشترین دەرمانە بۆ پلاسمای خوێن و جگەر.
چەند جۆرە تووڕکی بەناوبانگ هەن کە ئەمانەن:
١ـ Theodor reimer یەکێک لە پڕ بەرهەمترین جۆرەکانی تووڕکە.
٢ـ Wilson لە هەموو جۆرەکانیتر زووتر پێ دەگا.
٣ـ Mammouth ئەم جۆرەیان نزیکەی ١٥ رۆژ دوای جۆری ویڵسۆن پێدەگا.

© Kurdflora 2000 - 2017 in cooperation with Auriolus, contact
-